-- ADVERTISEMENT --
LAPU-LAPU CITY – Ang pagsalbar ug kinabuhi ang katuyoan sa usa ka Indian national hinungdan nga wala kini magduha-duha sa pag-donate ug dugo pinaagi sa Dugong Bombo 2019.
Gi-asuy ni Jagdeep Sohal, 33 anyos, nga nindot sa pamati sa lawas kung maka-donate ug dugo, apan giingong mas nindot sa pamati kung makatabang sa mga nagkinahanglan.
Matud pa ni Sohal nga matag tawo ang ‘deserving’ nga mabuhi hinungdan nga angayan nga tabangan ang mga pasyente nga nagkinahanglan ug dugo ug gusto pang magpakabuhi niining kalibotan.
Gidayeg sa nahisgutang langyaw ang maong kalihokan sa Bombo Radyo isip taytayan sa pagtinabangay ug pagminahalay sa matag usa pinaagi sa boluntaryo nga paghatag ug dugo.
