Gidunggab-patay ang usa ka Indian National sa usa ka hubog nga giingong mangutang sa langyaw sa Merkado Publiko sa Barangay Poblacion sa Lungsod sa Anda, Bohol, gahapong adlaw .
Atol sa pakighinabi sa Bombo Newsteam kang PEMS Jonathan Deloso, OIC sa Anda Bohol Police Station nga nakaangkon og ubay-ubay nga dinunggaban ang biktima, kinsang giila nga si Vikas Kumar o mas naila nga Joey, 28-anyos nga taga Barangay Katarungan sa Lungsod sa Ubay.
Samtang giila ang suspek nga si Edgen Simacio, kinsang dali lang usab nga nadakpan sa mga niresponding kapulisan ug karon mag-atubang og kasong murder.
Basi sa imbistigasyon sa kapulisan nga niabot ang langyaw sa lugar aron maningil og utang ug sa dihang nikalit og duol ang suspek og giingong misuway og utang, apan si Kumar kay nakasul-ob og helmet ug adunay headset maong gituohang wala kini makadungog kang Simacio, maong wala niya kini panumbalinga.
Apan, mao kini ang hinungdan nga nasuko ang suspek ug gidunggab ang biktima.
Gisuwayan pa og dala si Kumar sa tambalanan apan gideklarar na kini nga wala nay kinabuhi. | via Bombo Koky Cabatingan
