Nisaad ang Philippine Coast Guard (PCG), Directorate General of Sea Transportation (DGST) sa Republic of Indonesia ug Japan Coast Guard (JCG) harun sa pagpanalipod sa kadagatan.
Kini dungan sa nagpadayon nga Regional Marine Pollution Exercise (MARPOLEX) 2024 sa Visayas.
Diin ang tulo ka mga coast guard nagpahigayon og nagkalain-laing simulation nga naglakip sa pagtubag sa mga sunog, search and rescue (SAR) operations, ug oil spill response.
Isip usa ka pasalig, ang mga pangu sa tulo ka mga coast guard miingon nga sila ang manguna sa pagpatuman sa balaod sa kadagatan ug pagtahod niini,ingon man sa pagpanalipod gikan sa polusyon, ug epektibo nga pagtubag sa mga insidente sa oil spill.
Matod ni PCG Commandant, CG Admiral Ronnie Gil Gavan, ‘up to date’ usab ang gihimong simulation ug mas mosaka pa ang maritime traffic sa kadagatan tungod kay kanunay na nga mahitabo ang oil spill.
Samtang, ang ubang mga nasud nga nagpadala sa ilang tagsa-tagsa ka mga contingent sa nagpadayon nga simulation nagsilbing tigpaniid.
Kini iya sa U.S. Coast Guard Pacific Area, National Southern Oil Spill Response Center sa Vietnam, Oil Spill Response Limited, International Tanker Owners Pollution Federation Limited, International Maritime Organization – International Petroleum Industry Environmental Conservation Association (IMO-IPIECA), Global Initiative for Southeast Asia (GISEA) , International Narcotics and Law Enforcement Affairs, Korea Coast Guard, ug PCG Auxiliary 618th Squadron.
