Pormal nga gihangyo sa defense team ni kanhi Presidente Rodrigo Duterte sa International Criminal Court (ICC) ang interim release sa kanhi Presidente tungod sa giingong taas nga mga paglangay ug wala masulbad nga logistical issues sa pag-assess sa iyang katakus sa pagbarog sa husay.
Matod sa kampo niini nga gipangulohan ni Atty. Nicholas Kaufman, giila nila ang mga paningkamot sa ICC Registry sa pag-andam sa mga redacted nga materyales alang sa konsiderasyon sa Pre-trial Chamber.
Apan, ang depensa niinsistir nga ila nang gipasaka ang isyu sa panglawas sa kanhi presidente sa wala pa ang iyang unang pagpakita ug misumite usab og duha ka hangyo alang sa usa ka status conference sa usa ka “considerable time” aron matubag ang isyu, usa ka butang nga gisupak sa prosekusyon.
Giinsistir usab sa depensa nga ang confirmation of charges kay gi-postpone hangtod sa hangtod, bisan pa sa una nga mando sa Pre-Trial Chamber alang sa usa ka mubo nga adjournment lamang.
Ang depensa usab nangatarungan nga ang mga isyu sa logistics nga giila sa Registry mahimong malangan ang trial ug nga kini nga paglangan nagsuporta sa kaso alang sa temporaryo nga pagpagawas sa kanhi presidente.
Girekomenda usab sa depensa ang dugang nga mga kondisyon aron matubag ang pipila ka mga kabalaka bahin sa posible nga pagpagawas sa kanhing presidente, mga butang nga wala gilakip o gi-redact sa pag-file.
Matod pa niini nga dili angay magpabilin sa ICC detention facility ang kanhi presidente samtang gipahigayon ang proceedings ilabi na sa iyang kahimtang sa panglawas.
Busa, matod niya nga ang temporaryong kagawasan sa kanhi presidente kinahanglang ihatag sa labing daling panahon tungod kay dili na makatarunganon ang padayong pagtanggong sa kanhi presidente.
Ang depensa nipasalig nga ang pagbuhi ni Duterte dili makaapekto sa nagpadayon nga trial.
Gikataho usab nga ang host country o nagdawat nga nasud sa kanhi presidente alang sa iyang interim release miuyon sa pagkooperar sa Korte, lakip na ang pagpadali sa bisan unsang mga pamaagi nga gikinahanglan sa Pre-Trial Chamber.
Sa pagkakaron, wala pay desisyon ang ICC sa interim release request ug kasamtangang pending ang kumpirmasyon sa mga kaso human gihangyo sa depensa nga i-adjourn ang husay hangtod sa hangtod tungod kay ang kanhi presidente giingong nag-antos sa cognitive impairment nga makaapekto sa iyang abilidad sa pagbarog sa husay.
