Interior Sec. Remulla, gihimakak ang hungihong nga gipugos niini si Kanhi PNP Chief Torre sa pagpalit og mga rifle

Gipanghimakak ni Interior Secretary Jonvic Remulla ang hungihong nga nikatap sa social media nga giingong gipugos niya si kanhi PNP Chief Nicolas Torre III sa P8-billion gun purchase sa mga rifle gikan sa PNP.

Matud ni Remulla nga andam siya nga moatubang sa imbestigasyon kalabot sa P8-billion gun purchase proposal nga gibalibaran ni Torre.

Gani, andam usab kini nga magpaubos sa lie detector test aron mapamatud-an nga wala siya mosugot sa maong sugyot.

Gikompirmar usab niini nga nadawat sa iyang buhatan ang proposal, usa ka buwan na ang nakalabay apan wala maghisgut kon kang kinsa.

Ingon man nga gidugang ni Remulla nga gisalikway ni Torre ang sugyot tungod kay wala kini kinahanglana, diin iyang giuyonan.