Gipahibalo sa International Energy Agency nga miuyon ang 32 ka mga nasud nga miyembro niini sa pagpagawas sa 400 milyon nga baril sa lana.
Ang nasangpit nga lakang aron matubag ang krisis sa lana tungod sa kagubot sa Middle East.
Matod sa executive director sa IEA nga si Fatih Birol, nakahukom ang ilang mga miyembro niini, aron dili na mosaka og mayo ang presyo sa mga produkto sa lana.
Kahinumdoman nga daghang nasod ang nakasinati og taas nga presyo sa lana sukad giatake sa US ug Israel ang Iran nga miresulta sa pagsirado sa mga dagkong shipping lanes.
Giatake usab sa Iran ang mga barko nga puno sa lana nga moagi sa daghang katubigan sa Middle East.
Ang mga nasud nga miyembro sa IEA naglakip sa Canada, Chile, Mexico, US, Austria, Belgium, Czech Republic, Denmark, Estonia, Finland, France, Germany, Greece, Hungary, Ireland, Italy, Latvia, Lithuania, Luxembourg, Netherlands, Norway, Poland, Portugal, Slovak Republic, Spain, Sweden, Switzerland, Türkiye, United Kingdom, Australia, Japan, Korea, New Zealand, Colombia, Israel, Egypt, Indiao, Indonesia, Singapore, Brazil South Africa, Thailand, Ukraine, Vietnam.
