Nasikop ang usa ka Chinese national sa mga sakop sa Bureau of Immigration (BI) sa dalan Colon ning pusuran nga bahin sa dakbayan sa Sugbo.
Nahitabo kini niadtong nakalabayng Huwebes, Marso 19 diin nasuta nga ang maong intsik kay adunay kalapasan sa immigration laws sa nasud.
Giila ang dinakpan na si Zunsheng Wu, holder sa 9(g) work visa nga nasakpan nakalapas sa gitugotang kalihokan human misalmot og business activities nga gawas sa gideklarang employer sa papeles niini.
Sumala pa sa mga awtoridad nga si Wu kay nag-manage og hardware and construction supply businesses nga walay nakuhang gikinahanglan nga Alien Employment Permit.
Kasamtangang anaa sa kustodiya sa BI ang dinakpang intsik samtang nagpadayon pa sa pagproseso sa legal proceedings niini.
