Gipahayag ni Iranian Foreign Minister Abbas Araghchi nga andam ang Iran kung mobuto pag-usab ang panag-away batok sa Estados Unidos, human gisalikway sa Washington ang plano sa Tehran alang sa pito ka adlaw nga pag-abli pag-usab sa Strait of Hormuz.
Bisan pa niini, nagpahayag og paglaum si US President Donald Trump alang sa dugang nga negosasyon uban sa Iran karong semanaha.
Giangkon usab niya nga makab-ot sa Washington ang kadaugan batok sa Iran sulod sa mubo nga panahon.
Samtang, gihimakak sa militar sa Estados Unidos ang pangangkon sa Iran nga nasakmit sa ilang mga pwersa ang usa ka modernong underwater drone sa US sa Strait of Hormuz.
Sa laing bahin, lima ka mga lalaki ang gidakop duol sa usa ka airbase sa United Kingdom nga gigamit sa US alang sa mga operasyon batok sa Iran.
Ang mga suspek gidakop tungod sa gidudahang paghupot og mga armas ug posibleng koneksyon sa terorismo.
