Iran giakusahan na usab ang US sa paglapas sa gipirmahan nga MOU

Giakusahan na usab sa Iran ang Estados Unidos (US) sa paglapas sa ilang gipirmahang Memorandum of Understanding (MoU).

Ang tigpamaba sa Iranian Foreign Ministry nga si Esmaeil Baghaei miingon nga gilapas sa US ang tanang aspeto sa maong MoU sa miaging semana.

Giakusahan usab ni Baghaei ang US sa pag-awhag sa mga barko sa paggamit og “parallel route” sa Strait of Hormuz.

Ang maong ruta mas layo kaysa sa rutang gitugotan sa Iran.

Giklaro usab sa Iran nga wala sila magsugod sa gubat ug nga ang ilang mga lihok usa lamang ka depensa sa ilang nasud.