IRAN-Gipanghimakak sa Iran ang alegasyon nga may kalabotan sa giingong plano sa pagpatay kang kanhi US President Donald Trump.
Sumala sa Permanent Mission of the Islamic Republic of Iran ngadto sa United Nations, ang alegasyon wala’y basehanan ug malisyoso.
Matud pa nga giisip sa Iran si Trump nga usa ka kriminal nga kinahanglan kasuhan ug silotan sa korte tungod sa pagmando sa pagpatay sa militar sa Iran nga si Heneral Qasem Soleimani kaniadtong Enero 2020.
Apan, bisan pa niini, gikataho nga mas gipili sa Iran ang ligal nga paagi aron madala si Trump sa hustisya.
Ang gikataho nga plano sa pagpatay sa Iran batok kang Trump nagsugod human ang mga awtoridad sa US nakadawat og paniktik gikan sa usa ka tinubdan sa bag-ohay nga mga semana.
Kini misangpot sa Secret Service nga gipakusgan ang seguridad sa kanhi Presidente.
