Gikatahong wala pa nakadesisyon ang Iran nga magpadala og delegasyon sa negosasyon sa Pakistan gumikan sa padayon nga naval blockade sa Strait of Hormuz.
Matud sa taho nga ang Tehran, dili moapil sa mga panagsultihanay sa ceasefire nga gikatakda sa Islamabad gawas kon ang blockade tangtangon.
Bisan pa niini, gipahibalo ni U.S. President Donald Trump nga ang mga representante sa Amerika moabot sa Pakistan karong adlawa aron ipadayon ang mga panagsultihanay sa Iran.
Bisan pa, wala niya gitino kung kinsa nga mga opisyal ang moapil, ug walay diha-diha nga komento gikan sa White House o sa opisina ni U.S. Vice President JD Vance.
Sa usa ka post sa social media, giakusahan usab ni Trump ang Iran sa paglapas sa kasabutan sa ceasefire human kini giingong nagpabuto og mga shell niadtong Sabado sa Strait of Hormuz.
Ingon man nga nihulga siya nga ang Estados Unidos mahimong mag-target sa imprastraktura sa Iran, lakip ang mga planta sa kuryente ug mga taytayan, kung dili kini modawat sa gisugyot nga kasabutan.
“If they don’t, the United States is going to knock out every single Power Plant, and every single Bridge, in Iran,” ingon ni Trump.
