Gikataho nga ang Iran mopahibalo og usa ka restricted o prohibited zone gawas sa Strait of Hormuz nga naglangkob sa pipila ka bahin sa Persian Gulf, sumala kang Supreme National Security Council Secretary Mohsen Rezaei.
Gipasabot ni Rezaei nga ang maong zone magsugod gikan sa blockade line sa US Navy, ug ang bisan unsang barko nga mosulod niini awtomatikong iapil sa listahan sa mga sanction sa ilang nasod.
Gipahibalo usab sa opisyal nga nauyonan nga iapil ang Oman sa mga mapa alang sa opisyal nga pag-agi sa mga barko sa Strait of Hormuz, ug gikatakda kini nga pirmahan sa umaabot nga mga adlaw.
Samtang, ang Iranian Parliament Speaker nga si Mohammad Bagher Ghalibaf nagpasidaan nga ang bisan unsang bag-ong pag-atake batok sa ilang nasod mag-atubang og mas paspas, mas bug-at, ug mas sakit nga tubag.
Taliwala sa nagpadayon nga tensyon sa rehiyon, nagtaho ang Health Ministry sa Lebanon nga tulo ka tawo ang namatay human naigo sa usa ka Israeli drone strike ang usa ka sakyanan sa lungsod sa Nabatieh.
Ang pag-atake nahitabo samtang nagpadayon ang sunod-sunod nga mga pag-atake sa Israel ug mga operasyon militar sa habagatang Lebanon.
