Iran, mipasigarbo sa gipahigayon nilang airstrikes batok sa base militar sa Estados Unidos

Gipanghambog sa Iran nga malampuson nilang naigo ang mga target sa US sa rehiyon sa Middle East.

Sumala sa Islamic Revolutionary Guard Corps (IRGC) sa Iran, ang maong lakang usa ka pagbalos sa gihimo usab nga mga airstrike sa US sa ilang mga pasilidad sa drone duol sa Strait of Hormuz.

Giakusahan sa Foreign Ministry sa Iran ang Estados Unidos sa paglapas sa bag-o lang nilang nasabutan nga ceasefire.

Sa pikas bahin, ang nasod sa Bahrain—nga nag-host sa base militar sa US—nagkumpirma nga giigo sila og mga drone strike gikan sa Iran.

Bisan pa niini, wala direktang gisulti sa Iran kung unsa nga mga piho nga target ang ilang naigo sa maong mga pag-atake.