Kusganong gisalikway ni ranian President Masoud Pezeshkian ang panawagan sa Washington alang sa “unconditional surrender.”
Kini nahitabo taliwala sa nagkagrabe nga gubat tali sa Iran, Estados Unidos, ug Israel.
Sa usa ka pakigpulong nga gisibya sa Iranian state television, ang presidente miingon nga ang hangyo sa U.S. usa ka damgo nga kinahanglan ilubong sa lubnganan.
Kini gumikan sa nakamata ang mga Iranian sa kusog nga mga pagbuto sa Tehran ug uban pang mga lungsod samtang nagpadayon ang usa ka dako nga opensiba sa U.S. ug Israel.
Diin ang Iran nagpadayon sa pagbalos pinaagi sa mga pag-atake sa drone ug missile nga naigo ang mga target sa Israel ug sa Gulf region. Samtang sa Dubai, ang pipila ka mga pasahero napugos sa pagpasilong sa mga tunel sa tren tungod sa kahadlok nga atakehon.
Sumala sa mga taho, si U.S. President Donald Trump nagpagawas og pahayag sa Truth Social nga walay kasabutan sa Iran kung wala ang ilang “unconditional surrender.”
Sa samang higayon, ang U.S. nagpahibalo ug sa Israel nga dugang nga pakusgon ang ilang mga operasyon sa militar batok sa Tehran.
Ingon man nga nagkagrabe usab ang sitwasyon sa Lebanon, human ang Hezbollah, usa ka kaalyado sa Iran, nalambigit sa usa ka pagbinayloay og atake batok sa Israel.
Sumala sa ahensya sa mga refugee sa UN, ang sitwasyon sa rehiyon nahimong usa ka “dakong emerhensya sa humanitarian.”
Ang gubat anaa na karon sa ikaduhang semana ug wala magpakita og mga timailhan sa paghunong. Ang pagdumili ni Pezeshkian nagpakita sa determinasyon sa Iran nga ipadayon ang away, bisan pa sa grabe nga mga kadaot ug kamatayon sa ilang supreme leader, si Ayatollah Ali Khamenei, sa nangaging mga airstrike.
