Naghulga ang Iran nga palapdan ang pagbabag niini sa mga importanteng ruta sa energy exports sa Middle East human gibalik sa Estados Unidos ang pagbabag sa naval sa mga pantalan niini ug naglunsad og bag-ong serye sa mga pag-atake duol sa Strait of Hormuz.
Nagpasidaan ang Islamic Revolutionary Guard Corps (IRGC) nga ilang isira ang ubang mga ruta nga gigamit sa pagdala sa lana ug uban pang suplay sa enerhiya nga makabenepisyo sa U.S. ug sa mga kaalyado niini.
Samtang, ang militar sa U.S. miingon nga nagpahigayon kini og pito ka oras nga mga airstrike sa palibot sa Strait of Hormuz ug sa mga lugar sa baybayon sa Iran.
Giakusahan usab sa Estados Unidos ang Iran nga responsable sa mga pag-atake sa pito ka mga commercial ships sa miaging semana nga nakapatay ug nakaangol sa daghang mga tripulante.
Nagpasidaan ang Iran nga magamit niini ang mga kaalyado niini nga rebeldeng Houthi sa Yemen aron babagan ang pagpadala agi sa Bab el-Mandeb Strait, laing importanteng ruta sa lana ug uban pang pamatigayon nga nagkonektar sa Red Sea ug sa Gulf of Aden.
Kahinomdoman nga adunay usa ka senior nga opisyal sa Houthi ang nagpasidaan kaniadto nga mahimo nilang isira ang Bab el-Mandeb Strait kung magpadayon ang mga pag-atake sa Saudi Arabia sa Yemen.
Apan, wala mohunong si U.S. President Donald Trump, nga nag-ingon nga iyang targeton ang mga pasilidad sa enerhiya, mga planta sa kuryente, ug mga taytayan sa Iran kon magpadayon kini sa pag-insister sa pag-abli sa programa nukleyar niini.
