Nagpasidaan ang Iran sa usa ka “dugay ug masakit nga panimalos” batok sa United States kung mopadayon ang Washington sa laing military strikes, samtang nagkagrabe ang tensyon sa rehiyon.
Duha ka bulan human sa pagsugod sa panagbangi nga naglambigit sa U.S. ug Israel batok sa Iran, nagpabilin nga sirado ang Strait of Hormuz—usa ka kritikal nga ruta diin moagi ang hapit 20% sa suplay sa lana ug gas sa kalibutan.
Tungod niini, ang presyo sa lana sa kalibutan nagpadayon sa pagsaka ug pag-usab-usab.
Bisan pa sa ceasefire nga gipatuman sukad Abril 8, wala pa gihapon kasabotan ang mga partido, samtang ang Iran nagpadayon sa pagpugong sa strait isip tubag sa mga naval blockade sa U.S. sa ilahang oil exports.
Gilauman usab nga hatagan og briefing si U.S. President Donald Trump sa posibleng bag-ong serye sa military strikes nga gitumong sa pagpugos sa Iran nga mohinay sa nuclear issues.
Tungod sa maong mga kalamboan, ang presyo sa krudo nga Brent miabot sa kapin $126 matag bariles sa wala pa mikunhod ngadto sa mga $113, nga nagpakita sa grabeng epekto sa geopolitical tensions sa ekonomiya sa kalibutan.
