Gipaambit sa Iran nga determinado kini nga depensahan ang nasudnong soberanya niini human sa bag-ong mga airstrike sa US sa daghang mga pasilidad sa pagmonitor ug pagpaniid sa habagatang baybayon sa nasud.
Sa usa ka opisyal nga pahayag, ang Iranian foreign ministry, kusganong nagkondenar sa pag-atake sa gitawag niini nga “US terrorist army” ug miinsister nga magpadayon kini sa pagdepensa sa teritoryo batok sa bisan unsang agresyon.
Samtang, usa ka mahuyang nga ceasefire ang nagpabilin taliwala sa gubat sa Middle East, samtang ang Iran ug Estados Unidos nagpadayon sa pagsaway sa usag usa tungod sa giingong mga paglapas sa kasabutan.
Nagpasidaan usab si Foreign Minister Abbas Araghchi nga ang bisan unsang hagit sa pagkontrol sa Iran sa Strait of Hormuz mosangpot sa dugang nga mga tensyon, labi na sa nagpadayon nga negosasyon sa kalinaw.
Sumala kaniya, ang bisan unsang pagsulay sa pagpatuman sa usa ka lahi nga kasabutan nga wala nahiuyon sa kasamtangang memorandum of understanding mograbe lamang ang sitwasyon ug hinungdan sa mga paglangan sa pag-abli pag-usab sa estratehikong kipot.
Nanawagan si Araghchi sa tanan nga partido nga magpabilin nga matinud-anon sa kasabutan ug dili tugotan ang proseso nga motipas, taliwala sa bag-ong pagbayloay og mga pag-atake sa miaging duha ka gabii.
