Nagpadayag ang Iran nga sa dili madugay ipahibalo na niini ang plano sa pagpatuman og trapiko sa Strait of Hormuz, lakip na ang posibleng pagpahamtang og toll fees sa mga barkong moagi sa maong kritikal nga ruta sa lana sa kalibutan.
Samtang nagkataas ang tensyon sa rehiyon, mipasidaan si US President Donald Trump nga makasinati og “very bad time” ang Iran kon dili dayon makab-ot ang kasabotan sa kalinaw, samtang sigon ni Mohammed Bagher Ghalibaf nga ang kalibutan “anaa sa tumoy sa bag-ong kahimtang sa kalibutan.”
Sa laing bahin, padayon ang kagubot sa Gaza Strip diin labing menos 11 ka Palestino ang namatay ug kapin sa 60 ang nasamdan sa mga pag-atake sa Israel niadtong Sabado.
Nagpadayon usab ang opensiba sa Israel sa habagatang Lebanon, diin giingong nakaigo kini sa 100 ka target sulod sa duha ka adlaw bisan pa sa kasabutan sa pagpalugway sa “ceasefire” sulod sa dugang 45 ka adlaw.
