-- ADVERTISEMENT --

Tumong sa gobyerno nga makab-ot ang pagpaubos sa mga taripa nga gipahamtang sa Estados Unidos sa mga produkto gikan sa Pilipinas, atol sa gitakdang panagtagbo nila ni Presidente Ferdinand Marcos Jr. ug US President Donald Trump karong Miyerkules, Nobyembre 18.

Matod ni Trade Secretary Cristina Roque, usa sa mga nag-unang hisgutanan tali sa duha ka lider mao ang 12.5% ​​nga taripa nga gipahamtang sa Washington sa mga produkto nga gi-eksport gikan sa Pilipinas ngadto sa US.

Gipahayag ni Roque nga nagtinguha ang gobyerno nga ipaubos kini nga mga taripa aron mapalapad ang mga eksport sa nasod, dili lang sa merkado sa Amerika apan lakip na usab sa ubang mga merkado sa tibuok kalibotan.

Dugang pa niya nga tumong usab nila nga palig-onon ang katakos sa mga produkto sa Pilipinas nga makigkompetensya sa international market.

Kahinumdoman nga gilangkit sa Estados Unidos ang pagpahamtang niini nga mga taripa sa giingong kapakyas sa Pilipinas sa pagtubag sa hustong paagi mahitungod sa pagsulod sa mga produkto nga gihimo pinaagi sa (orced labor.

-- ADVERTISEMENT --

Kalabot niini, gipahibalo ni Roque nga ang Joint Administrative Order (JAO) sa gobyerno—nga nagtumong sa pagsulbad niini nga mga kabalaka—napahibalo na ngadto sa habig sa US.

Naglaum ang Sekretaryo nga mahimong kabahin kini sa mga hisgotanan mahitungod sa posibleng mga kausaban sa kasamtangang mga taripa.

Samtang, gilauman nga moabot si Trump sa Manila karong Martes, Nobyembre 17, human sa iyang pagtambong sa mga mahinungdanong kalihokan sa ASEAN Summit ug sa dili pa ang iyang gitakdang bilateral nga panagtagbo uban ni Marcos.