Gisentensiyahan ang duha ka Chinese og 30 ka bulan nga pagkabilanggo sa Estados Unidos human sila miangkon nga sad-an sa pagsulay sa pag-recruit og mga miyembro sa militar sa US aron maniktik alang sa Beijing.
Giila sa Department of Justice (DOJ) sa US ang maong mga indibidwal nga sila si Liren “Ryan” Lai ug Yuance Chen, kinsa gisentensiyahan usab og tulo ka tuig nga “supervised release” (pagpagawas gikan sa prisohan ubos sa hugot nga pagpaniid).
Ang duha migamit sa pamaaging “dead drop” sa paghatag og kwarta, diin nagbilin sila og liboan ka dolyar baylo sa impormasyon nga may kalabotan sa nasudnong seguridad sa US.
Gipadayag sa mga dokumento sa korte nga ang duha nagsugod sa paglihok isip mga ahente alang sa Ministry of State Security sa China niadtong Mayo 2021.
Diin ang mga akusado mikuha usab og mga litrato sa usa ka naval facility, military mga bag-ong rekrut sa militar, ug mga aktibong marinero, samtang nangolekta og personal nga impormasyon mahitungod sa usa ka miyembro sa US Navy.
Miangkon sila si Lai ug Chen nga sad-an sa mga kaso nga pakigkunsabo aron molihok isip mga ahente, ug ang paglihok isip mga ahente sa usa ka langyaw nga gobyerno nga wala’y pahibalo ngadto sa US Attorney General.
