SEATTLE, WASHINGTON-Ang iro nga ginganlan og Eclipse, usa ka Black Labrador ug Mastiff mix, ang mubiyahe matag-adlaw padulong sa local dog park aron kini magduwa sulod sa duha ka oras. Ug pagkahuman niini, muuli ra pud ang maong iro,pinaagi sa pagsakay sa bus.
Ang makalingaw nga iro ang mubiya sa iyang balay sa Seattle matag adlaw aron makigduwa usab sa lain pang iro sa naasoy nga dog park.
Duna kini ticket nga nakahigot sa iyang ‘collar’ nga maoy gamit niini para makasakay sa bus.
Nagsugod matud pa kini sa dihang , gidala si Eclipse sa iyang tag-iya nga naila’ng si Jeff sa usa ka park apan sa dihang mi-abot na ang bus nga ilang sakyan pauli,dugay matud pa nakasakay si Jeff kay nanigarilyo pa kini. Hinungdan nga gibiyaan kini sa iro ug misakay kini diritro sa naasoy nga bus.
Sukad niadto, nabantayn ni Jeff nga kabisado na ni Eclipse ang ruta sa dog park mao nga iya na kining gitugutan nga mubiyahe nga mao rang usa.
Gani, tanang bus drivers, ang nakaila na ni Eclipse ug sagad sa mga pasahero ang malingaw usab niini. Mutapad usab is Eclipse sa mga pasahero ug ihigda pa ang ulo niini sa ilang paa.
Ingon man usab ang mga police ang mitugot na usab kabahin niini basta wala’y problema ang driver sa arrangement.
Nakahibaw na usab ang mga drivers kung asa munaog si Eclipse ug asa kini maghuwat, kung ugaling makalimot kini sa pagpislit sa ‘stop button’. |
