MURCIA, NEGROS OCCIDENAL-Wala’y puangod nga gi-Indian target ang usa ka iro sa Hda. Puyas, Blumentritt, Murcia sa Negros Occidental.
Makita sa mga hulagway ang gidangatan sa iro diin nag-ungot ang lima ka “Indian target” sa lawas sa iro.
Ingon man nga kasamtangang nagpaalim na kini karon human naoperahan ug natambalan, matud sa BACH Project PH.
Usa ka non-profit organization, Bacolod Animal Chance and Hope (BACH) Project PH, nihangyo sa bisan kinsa nga adunay impormasyon sa pagkontak kanila ug sila nagtuo nga kinahanglan nga mahatagan og hustisya ang inosenteng mananap.
Diin unang mitanyag og P10,000 ang usa ka wala mailhing donor isip reward sa bisan kinsa nga makaila ug makahatag og ebidensya batok sa suspek.
Midugang og ₱15,000 nga reward si Senador JV Ejercito sa makahatag og impormasyon kabahin sa suspek sa usa ka iro nga gipana gamit ang Indian Target, sa Hda. Puyas, Blumentritt, Murcia.
Misunod si Mayor Gerry Rojas, Mayor sa Murcia, kinsa mohatag usab og ₱10,000, gisundan sa ubang mga reward ug karon niabot na kini sa P65,000.
Nagdawat usab sila og mga donasyon ug tabang alang sa dali nga pagkaayo sa iro.
