Gidayeg sa Israel ang operasyon sa Amerika, nga miresulta sa pagkadakop ni Presidente Nicolas Maduro sa Venezuela.
Kini ang gipahibalo ni Foreign Minister Gideon Sa’ar nga giingong si US Presidet Donald Trump nagsilbing lider sa gawasnon nga kalibutan, dugang niini nga giisip usab kini nga makasaysayanong higayon, diin ang Israel nagbarog tupad sa mga tawong Venezuelan nga nahigugma sa kagawasan, nga nag-antos ubos sa ilegal nga pagpanglupig ni Maduro.
Gipaambit ni Sa’ar nga ang estado sa mga Hudiyo kay uyon sa pagtangtang sa diktador nga nangulo sa usa ka network sa droga ug terorismo ug naglaum kini nga ang demokrasya mobalik sa Venezuela ug ang duha ka nasud makahimo sa pagpadayon sa mahigalaon nga relasyon.
Sa panapos nga post niini nga ang mga tawo sa Venezuela angay nga mogamit sa ilang mga demokratikong katungod. Ingon man ang South America angayan sa usa ka kaugmaon nga gawasnon gikan sa axis sa terorismo ug droga.
Una niini, ang Commanders for Israel’s Security, usa ka NGO nga gilangkuban sa kapin 550 ka retirado nga mga senior nga opisyal gikan sa IDF, Mossad, Shin Bet, pulis, ug Foreign Service, midawat usab sa operasyon, nga nakita kini nga usa ka pasidaan sa rehimeng Iranian, sumala sa taho sa Israeli outlet nga Maariv.
