Gikumpirma sa Israel Defense Ministry nga nagpahigayon kini og “preemptive strike” sa Iran.
Ang mga opisyal sa Israel miingon nga sila miatake tungod kay nagdahom na sila og “missile and drone attack” gikan sa Iran “in the immediate future.”
Sumala sa inisyal nga impormasyon, nadungog ang mga pagbuto sa Tehran ingon man sa Seyed Khandan area sa amihanang Tehran.
Adunay usab gitaho nga mga pag-atake duol sa mga opisina sa Supreme Leader Ayatollah Ali Khamenei, apan dili klaro kung ang 86-anyos nga lider sa Iran anaa sa dihang nahitabo ang pagbuto.
Sa karon, ang gobyerno sa Israel nagdeklarar og state of emergency sa tibuok nasud isip pagpangandam sa pagbalos sa Tehran.
Ang mga pag-atake nahitabo human sa mga semana nga pasidaan gikan ni United States President Donald Trump nga iyang atakehon ang Iran kung walay kasabutan nga makab-ot sa programa sa nukleyar niini.
Sa pagkakaron, gikumpirma nga ang Israel ug Iran nagsira na sa airspace alang sa mga sibilyan nga paglupad.
Adunay mga report gikan sa media sa Israel ug US nga nag-alegar nga ang pag-atake sa Iran gi-coordinate sa Estados Unidos, apan walay opisyal nga pahayag gikan sa White House.
