Misaad si Iranian Foreign Minister Abbas Araqchi nga gamiton ang tanan nga mga kapilian aron madepensahan ang soberanya human gibombahan sa US ang tulo sa mga pasilidad sa nukleyar niini.
Agi’g panimalos, ang Iran nagpabuto og dugang nga mga missile ngadto sa Israel, nga miigo sa mga siyudad sa Tel Aviv ug Jerusalem, hinungdan sa kadaot sa mga balay ug pagkaangol sa mga sibilyan.
Diin adunay 16 ka mga tawo ang gikataho nga naangol.
Ingon man nga gipasidan-an sa Iran nga dili kini mahadlok sa Amerika ug gitawag nga ilegal ang opensiba sa US. ug walay radioactive materials nga nahibilin nga mahimong mobuto sa mga pasilidad sama sa Natanz, Isfahan, ug Fordow.
Sa laing bahin, gipasigarbo ni Trump ang iyang “malampuson” nga operasyon samtang gihulga nga sundan kini sa dugang nga pagpamomba kung dili mosurender ang Iran.
Nasayran nga giingong nigamit ang US og 30 Tomahawk missiles ug bunker-buster bomb aron gub-on ang mga pasilidad nukleyar sa Iran.
Sumala sa datos, kapin sa 430 ka mga tawo ang gitaho nga namatay sa Iran ug 24 sa Israel sukad nagsugod ang panagbangi kaniadtong Hunyo 13.
Ang mga lider gikan sa lainlaing mga nasud nagpahayag og kabalaka, tungod kay ang mga tensyon sa Middle East nagpadayon sa pagdako.
Nanawagan na usab ang United Nations alang sa usa ka hinanaling ceasefire aron mapugngan ang usa ka mas lapad nga gubat.
