Gikatakdang i-postpone sa Punong Ministro sa Israel nga si Benjamin Netanyahu ang desisyon sa aksyon militar sa iyang nasud sa Gaza hangtod sa sunod semana.
Kini kung ang Hamas dili mouyon sa usa ka kasabutan sa kalinaw.
Ang lakang ni Netanyahu nahitabo taliwala sa mga dili pagsinabtanay sa sulod sa gobyerno sa Israel sa ilang umaabot nga aksyon sa Gaza.
Sumala pa nga ang ubang mga ministro ni Netanyahi nagsuporta sa usa ka plano sa paglibot sa Gaza City ug sa ubang mga sentro sa populasyon kung ang Hamas dili mouyon sa kasabutan, samtang ang uban gusto nga sakupon ang siyudad ang ubang mga ministro mipabor sa laing mga plano.
Kaniadtong Huwebes, Hulyo 31, usa ka senior official sa Israel ang nag-ingon nga ang Israel ug ang US nagtrabaho sa usa ka bag-ong kasabutan sa Gaza taliwala sa gitaho nga pag-atras sa Hamas gikan sa negosasyon alang sa usa ka ceasefire ug usa ka hostage deal.
Ang opisyal usab miingon nga ang Israel ug ang Estados Unidos magtrabaho aron sa pagdugang sa humanitarian aid samtang nagpadayon sa mga operasyong militar sa Gaza.
Apan kahinumduman nga ang Hamas sa sayo pa miingon nga sila komitado sa pagpadayon sa negosasyon alang sa usa ka permanente nga ceasefire ug ang kompleto nga pag-atras sa mga pwersa sa Israel gikan sa Gaza, apan ang mga kondisyon sa Gaza kinahanglan una nga molambo sa kamahinungdanong higayon.
