Israeli Prime Minister Benjamin Netanyahu, na food poison

Kasamtangang nagpadayon sa pagpa-ayo ang Israeli Prime Minister Benjamin Netanyahu, kini human nga giingong nahilo sa pagkaon.

Sumala sa giluwat nga pamahayag sa iyang kampo, ang 75-anyos nga si Netanyahu kalit nga na-trangkaso human makasinati og intestinal inflammation ug dehydration.

Tungod niini, nisangpot sa pagpailawm niya sa pagtambal pinaagi sa pagdawat mga intravenous fluid.

Gitambagan usab siya sa iyang doktor nga mopahuway og pipila ka adlaw hangtud nga hingpit maulian.

Kahinumdoman nga kaniadtong 2023, si Netanyahu nabutangan og pacemaker ug niadtong Disyembre sa niaging tuig, gitangtang usab ang iyang prostate, human nasuta nga adunay impeksyon sa urinary tract.