Gikondenar ni Italian Prime Minister Giorgia Meloni ang mga komento ni U.S. President Donald Trump batok kang Pope Leo XIV, nga gitawag niya nga “unacceptable,” samtang nagkagrabe ang tensyon tali sa White House ug sa Vatican.
Sa usa ka pahayag niadtong Lunes, si Meloni miingon nga ang Santo Papa, kinsa iyang giingon nga mao ang pangulo sa Simbahang Katoliko ug adunay katungdanan sa pagpalambo sa kalinaw ug pagsulti batok sa gubat, dili angay nga targeton.
Ang mga komento ni Trump kontrobersyal human niya gikritika si Pope Leo XIV sa social media ug sa mga interbyu, nga gitawag siya nga “huyang sa krimen” ug “terible alang sa langyaw nga palisiya.”
Gumikan niini, mitubag si Pope Leo, nga nag-ingon nga wala siya nahadlok sa administrasyong Trump ug magpadayon sa pagsulti alang sa kalinaw.
Giklaro usab sa Vatican nga ang papel niini dili parehas sa mga politiko sa natad sa langyaw nga palisiya, apan naka-focus sa mga moral nga panawagan batok sa kapintasan ug gubat.
