Misang-at og pormal nga reklamong Anti-Violence Against Women and Their Children (VAWC) si Dominique “Nikki” Benitez, ang asawa sa bag-ong napili nga Congressman sa dakbayan sa Bacolod nga si Alberto “Albee” Benitez.
Sa mga nikatap online nga complaint affidavit ni Nikki, diin gitumbok ang aktres ug online star nga si Ivana Alawi ang giingong maoy kasamtangang karelasyon ni Albee.
Gawas niini, gisaysay usab sa reklamo ang giingong adunay duha ka anak si Albee sa lain-laing babaye.
Sa bahin ni Albee, walay basehan ang mga alegasyon sa iyang estranged wife nga si Nikki. Samtang, si Ivana wala pay gipagawas nga pamahayag bahin niining seryosong akusasyon.
Kung kahinumdumang, niadtong Pebrero 2024 kay una nga nitumaw ang isyu nga adunay relasyon si Ivana ug Albee human sila nakit-an nga magkauban sa airport sa Japan apan gihatagan dayon og katin-awan sa aktres nga wala sila’y espesyal nga relasyon ni Benitez.
