CEBU – Nakuha ni Ja Morant sa Memphis Grizzlies ang pasidungog sa NBA Most Improved Player.//
Si Morant, 22, maoy unang player sa kasaysayan sa prangkisa sa Grizzlies nga nakadaog sa maong pasidungog.//
Gimugna kini sa NBA niadtong 1985-86 aron ilhon ang magdudula nga nakahimo og labing kusog nga kalamboan gikan sa miaging season o mga season.//
Nakakuha og 38 first-place votes si Morant ug mitapos uban ang 221 puntos gikan sa voting panel sa mga sportswriters ug broadcasters.//
Samtang, nitapos ang San Antonio Spurs guard nga si Dejounte Murray sa second place nga adunay 20 first-place votes ug 183 puntos, ug ikatulo si Cleveland Cavaliers guard Darius Garland nga adunay 11 first-place votes ug 178 points.//
Nag-average og career high sa puntos ug rebounds si Morant samtang nakuha ang unang NBA All-Star selection sa karon nga season.
