Nagkasabot si Sanae Takaichi ug ang iyang Vietnamese counterpart nga si Le Minh Hung nga himuong pundasyon sa ilang bilateral nga relasyon ang economic security cooperation, lakip ang pagpalig-on sa suplay sa enerhiya ug kritikal nga mga kahinguhaan.
Ilalom sa “POWERR Asia” initiative, suportahan sa Japan ang Nghi Son oil refinery sa Vietnam, ug gilaum nga mohatag og $10 bilyon nga pinansyal nga tabang aron mapalig-on ang kapasidad sa enerhiya sa nasud.
Nagkasabot usab ang duha ka lider nga palig-onon ang supply chains sa critical minerals sama sa rare earths, nga importante sa teknolohiya ug industriyal nga produksyon.
Gilauman ang mas lawom nga kooperasyon sa mga prayoridad nga sektor lakip ang science and technology, semiconductor research and development, artificial intelligence, agrikultura ug food security.
Gipasiugda usab sa duha ka nasud ang panaghiusa sa pag-atubang sa mga hagit sa rehiyon ug global nga seguridad, lakip ang mga kalihokan sa China, nuclear ug missile development sa North Korea, ug ang nagpadayon nga tensyon sa Middle East.
