-- ADVERTISEMENT --

Giduso sa gobyerno ang mas estrikto ug mas organisadong pagdumala sa paggamit sa Artificial Intelligence (AI) sa nasud, pinaagi sa usa ka bag-ong executive order nga gipirmahan ni President Ferdinand Marcos Jr.

Ubos sa Executive Order No. 131, opisyal nga gitukod ang National Artificial Intelligence Council (NAIC) nga maoy gitahasan sa pagbantay ug pagseguro nga husto ang pagpatuman sa mga polisiya ug programa alang sa luwas ug responsableng paggamit sa AI.

Nag-unang tumong sa maong konseho nga maseguro nga ang pagpalambo ug paggamit niining modernong teknolohiya nahiuyon sa nasudnong interes, ilabi na sa pagpanalipod sa seguridad, transparency, tulubagon, ug sa mga batakang katungod sa matag Pilipino.

Gawas sa regulasyon, gihatagan usab og dakong prayoridad sa maong mando ang pagpalapad sa edukasyon bahin sa AI, pagbansay-bansay sa mga mamumuo aron makaapas sa bag-ong teknolohiya, pagpalig-on sa digital infrastructure, ug ang pagsuporta sa mga lokal nga panukiduki ug inobasyon.