Gipaambit ni actor-turned-congressman Javi Benitez nga malipayon siya para sa iyang kanhing uyab nga si Sue Ramirez ug sa kasamtangang karelasyon niini kang Dominic Roque, ug nga nagtuo gihapon siya nga ang duha “endgame.”
Sa usa ka interbyu sa Quezon City, si Benitez miingon nga ang duha compatible, ug wala siyay ikasulti batok kanila.
Mahinumduman nga sila si Benitez ug Ramirez naa sa lima ka tuig nga relasyon sa wala pa sila magbulag niadtong 2024.
Kon bahin sa iyang personal nga kinabuhi, wala direktang mitubag si Benitez kon duna ba siyay bag-ong karelasyon apan miingon nga siya “malipayon” ug karon naka-focus na sa iyang mga katungdanan isip usa ka magbabalaod ug sa iyang pagtuon.
Samtang, giangkon usab sa kongresista nga daghan na ang naagian sa ilang pamilya, apan maayo gihapon ang iyang komunikasyon sa iyang amahan, si Albee Benitez, taliwala sa mga isyu nga iyang gikalambigitan.
