Nipadala og shortlist sa pito ka mga nominado ngadto sa Malacañang ngadto kang Presidente Ferdinand “Bongbong” Marcos Jr. sa pagpili nga musunod nga Ombudsman niadtong Lunes, Oktubre 6, 2025.
Sa sulat nga pinetsahan og Oktubre 6 ug gipirmahan ni Acting Supreme Court Chief Justice Marvic Leonen, ang mga nominado, kay mao sila si Philippine Competition Commission chairperson Michael Aguinaldo; retired Court of Appeals Justice Stephen Cruz; Supreme Court (SC) Associate Justice Samuel Gaerlan; Deputy Executive Secretary for Legal Affairs Anna Liza Logan; retiradong SC justice Mario Lopez; Sandiganbayan Associate Justice Michael Frederick Musngi; ug Justice Secretary Jesus Crispin Remulla.
Ang bag-ong Ombudsman maoy mopuli sa katungdanan nga gibakante ni Samuel Martires kansang termino ni-expire niadtong Hulyo 27.
Ubos sa 1987 Constitution, ang Ombudsman isip opisyal nga kritiko nga nagtuon sa mga balaod, pamaagi ug mga gawi sa gobyerno; nagsiguro nga ang makanunayon nga dagan sa mga serbisyo gihatag sa mga lungsuranon; ug usa ka tigbantay nga nagtan-aw sa kinatibuk-an ug ispesipikong pasundayag sa tanang opisyal ug empleyado sa gobyerno.
Ang Ombudsman adunay gitakdang termino nga pito ka tuig, ug mahimo ra matangtang sa katungdanan pinaagi sa impeachment.
Ang pagtudlo sa Ombudsman ug sa mga Deputies niini kay wala magkinahanglan og kumpirmasyon sa Kongreso.
