Jessica Sanchez, nakasulod na sa finals sa AGT-20

Nakasulod na sa finals ang Filipino-American singer nga si Jessica Sanchez sa “America’s Got Talent” Season 20.

Makigsangka siya sa finals kauban si Chris Turner, LightWire, Sirca Marea, Jourdan Blue ug Leo High School Choir.

Ang mga finalist gipili pinaagi sa pagboto sa publiko.

Ipahigayon ang AGT Finals sa Septiyembre 23 ug ang modaog ipahibalo sa Septiyembre 24 human sa public voting.

Gikanta ni Jessica ang “Golden Hour” ni JVKE sa semifinals rounds.

Bisan og siyam na ka buwan nga mabdos ang singer, gibalanse gihapon niya ang pagkanta ug pagka inahan.