MANDAUE CITY-Maglusad og Joint Inspection ang kagamhanang dakbayan sa Mandaue tali sa Department of Public Works and Highways (DPWH) ug Mandaue City Engineering Office alang sa tanang riprap projects sa dakbayan.
Kini sugyot sa mosyon ni Mandaue City Councilor Jun Arcilla nga gisuportahan ni Mandaue City Mayor Glenn Bercede diin mitumaw ang kabalaka human nahugno ang flood-control project sa DPWH nga gipundohan ubos sa buhatan ni Lone District Representative Emmarie “Lolypop” Ouano-Dizon.
Samtang sa habig ni Cong. Ouano-Dizon kay nangayo pud kini og katin-awan sa nahitabong pagkahugno sa maong proyekto nga nahimutan ga Barangay Maguikay sa samang dakbayan.
Matod ni Mayor Bercede, nga mas maayong adunay inspeksyon ang tanang nabuhat nga flood-control projects ilabi na sa mga gipatuman sa samang kontraktor aron sa pagsiguro sa kalidad sa trabaho niini.
Dugang pa nga gihangyo sab ni Mayor Bercede and buhatan sa DPWH ug ang buhatan sa Kongresista nga makig-alayon sa kagamhanang dakbayan aron gihapon sa paghatag og kahayag sa nahitabong pagkahugno.
