Gisaulog sa tibuok kalibutan ang Jubilee for World Communication ubos sa pagpangulo ni Pope Francis ug sa Vatican City, diin nagbilin kini og mensahe alang sa mga magsisibya.
Sa iyang pamahayag, iyang gipasiugda ang mga peryodista nga nagpabiling bihag tungod sa ilang dili tawhanon nga pagkapriso.
Matod ni Pope Francis, ang pagpagawas sa maong mga peryodista nagpasabot usab sa kagawasan alang natong tanan ug sa pagpalig-on niini.
Hinungdan nga nanghinaot kini nga gamiton usab sa mga tigbalita isip kahigayonan sa paghatod sa mga sugilanon nga naghatag og paglaom sa mga tawo nga nawad-an og kahayag sa ilang inadlaw-adlaw nga kinabuhi.
Samtang, sa atong nasud, ang The Roman Catholic Archbishop of Manila nagpahigayon og Thanksgiving alang sa industriya sa mga tigbalita.
Diin kabahin gihapon kini sa selebrasyon sa The Jubilee of World Communication.
