Giklaro sa aktor ug recording artist nga si Julian Estrada ang mga huhungihong kalabot sa insidente nga gikalambigitan sa iyang ig-agaw nga si Jelo sa Boracay niadtong Sabado.
Sa usa ka post sa Facebook, gipaambit ni Julian ang litrato sa iyang samad sa wala nga mata ug miinsister nga wala siya nakig-away, apan usa ka “unprovoked attack” o walay hinungdan nga pag-atake.
Matud pa sa aktor nga padung na sila pauli sa ilang ig-agaw dihang kalit lang nga adunay miduol kanila ug mihunghong, dayon sunodsunod nga gisumbag.
Gidetalye pa ni Julian nga usa ka grupo ang mikulata kanila ug wala silay labot sa bisan unsang kagubot.
Dugang pa niya nga dili usab kini usa ka away sa bar ug wala sila nangita og samok.
Apan, mas daghan ang mga tawo nga mituo dayon sa mga istorya nga nahiuyon sa ilang panan-aw, bisan wala sila sa eksena.
Gipasalamatan usab ni Estrada ang mga misuporta ug nagpakita og kabalaka kaniya, nga kinahanglan niya ang pahulay ug magpadayon sa iyang trabaho sa kinabuhi.
Samtang si Senate President Pro Tempore Jinggoy Estrada, amahan ni Julian, nikompirmar nga ang iyang anak ug pag-umangkon kay giatake sa Boracay pasado tungang gabii niadtong Sabado samtang nigawas sa usa ka establisemento.
Matod ni Estrada, nadakpan na ang mga nalambigit sa maong insidente ug gipasakaan na og tukmang reklamo sa mga otoridad.
