Magsugod na sa dili madugay ang House Committee on Justice alang sa mga hearing sa upat ka impeachment complaints batok kang Bise Presidente Sara Duterte gikan Marso 2 hangtod 4, kini gikumpirma ni House Committee on Justice ug Batangas Rep. Gerville “Jinky Bitrics” Luistro.
Nag-ingun si Luistro nga ang komite una nga motino kung ang mga reklamo igo ba sa porma ug igo ba sa punto ug unod, ug kung makompleto na ang deliberasyon sa porma sa unang adlaw, kini mopadayon dayon sa pagsusi sa sulod sa sunod nga adlaw. Apan kung dili mahuman, ang hearing magpadayon sa sunod nga adlaw, ingun man nga ang mga hearing mahimo usab nga magpadayon bisan kung ang House naa sa recess, kung kinahanglan.
Sumala ni Luistro, ang impeachment usa ka importante nga proseso busa dili kini angay nga malangan.
Sumala pa, ang komite wala dayon makasugod karong semanaha tungod kay ang mga reklamo kinahanglan pa nga kopyahon ug ipang-apod-apod sa tanan nga mga miyembro.
Gipasabot ni Luistro nga ang upat ka mga reklamo hisgutan sa dungan sa usa ka impeachment proceedings, apan dili kini pisikal nga ihiusa sa pagkakaron, ug ang pagkonsolida mahitabo lamang kung mahibal-an ang probable cause.
Samtag ang matag reklamo ug ang matag basehan hisgutan nga gilain, apan ang boto sa mga miyembro ibase sa kinatibuk-an sa matag reklamo sa impeachment.
Dugang ni Luistro nga kon ang mga reklamo makapasar sa pagrepaso sa porma ug sulod, ang respondent hatagan og 10 ka adlaw aron mosumiter og tubag, ug ang nagreklamo adunay tulo ka adlaw aron motubag ug ang respondent adunay tulo usab ka adlaw aron motubag.
Usa ka hearing ang ipahigayon unya sa dili pa mobotar ang komite sa probable cause.
Sumala ni Luistro, ang proseso mahimong mas dugay tungod kay adunay upat ka reklamo ug mahimong adunay daghang basehan nga hisgutan.
Miingon siya nga ang gitas-on sa hearing nagdepende kon ang mga reklamo makapasar ba sa gitakdang criteria.
