Hapit na makompleto ang sikat nga K-pop boy band nga BTS, human sa opisyal nga pag-discharge nila ni Park Ji-min ug Jeon Jung-kook sa military.
Kini human makompleto ni Jimin ug JK ang ilang 18 ka buwan nga mandatory military services sa South Korean military, diin kuyog sila nga en-list kaniadtong Disyembre 12, 2023.
Ang pag-discharge sa duha, usa ka adlaw human na-discharge usab ang ilang laing miyembro nga sila si RM ug V.
Giabi-abi ang duha pag-gawas nila sa base militar, sa ilang mga fans ug media.
Sa pagkakaron, ang BTS rapper nga si Min Yoon-gi o Suga na lang ang nahabilin sa public service ug gilauman nga ma-discharge sa Hunyo 21.
Ug gikatakdang maghiusa alang sa reunion ang mga na-discharge nga miyembro karong Hunyo 13-14 sa Goyang, Gyeonggi Province alang sa ilang ika-12 nga debut anniversary sa 2025 BTS Festa.
