NATIONAL-Gikinahanglan nang lantawon pag-usab sa Department of Education (Deped) ang Kinder to Grade 12 (K to 12) curriculum aron kini mahimong may kalabotan sa pagprodyus og mas “competent, job-ready, active and responsible” citizens.
Kini ang gibutyag ni Senador Win Gatchalian, atol sa eksklusibong pakighinabi niini sa Bombo-RadyoNewsteam, gumikan kay daghan gihapong mga kabataan nga ni gradwar na sa naasoy nga programa, apan hangtud sa kasamtangan wala gihapon makakita ug trabahu, butang nga nahimong anti-poor kini.
Dugang pa niini, nga inay nga makatabang unta sa kabataan ug mga ginikanan ang k-12 Program, mas nipasamot pa hinoon kini sa kalisud ug palas-unon, ilabi na nga wala nakab-ot niini ang tinoonay nga katuyoan niini, nga inig human sa Senior High, makakita na dayun ug trabahu gumikan sa mga NC1 o NC2 certification.
Apan, gi klaru niini, nga kung mahan-ay ug ma plastar kini, mahimo kining pro-poor, gumikan kay ang dugang duha ka tuig makapadugang usab sa kahibalo sa kabataan nga ilahang magamit sa pagpanarbaho.
