CEBU CITY- Gihimakak sa pamilya sa nakalas nga biktima nga si Braille Nichole Kwek, sa nahitabong aksidente niadtong Abril 14, 2026, sa Archbishop Reyes Avenue flyover sa Cebu City, nga mibungat sila og danyos isip bayad sa kamatayon sa nahisgutang biktima.
Matud ni Richard Kwek, ang apohan sa biktima nga wala sila magpataka og bungat og danyos ngadto sa driver sa ambulansiya apan nakabase kini sa balaud sa Pilipinas, diin sa pagsumada niini nga mokabat sa 1.3 Million ang posibleng mabayran sa pamilya niini.
Sigon sa apohan sa biktima nga aduna nay kasabutan ang pamilya sa driver og pamilyang Kwek, maylabot sa nahitabong aksidente nga nakapatay ni Braille Nichole Kwek, tinun-an sa usa ka inila nga tunghaan sa Sugbo.
Lakip sa mga gikasabutan sa Pamilyang Kwek og sa driver nga si Kevin Ryan Gesta, 23-Anyos mao ang pagpahiluna sa biktima diin sila mismo ang mobayad sa funeral services og pagpabalhin niini gikan sa Sugbo ngadto sa Isla sa Camotes.
Gihimug-atan ni Richard Kwek, nga ang kinabuhi sa iyang apo dili kabayran, hinungdan nga kinahanglan nga mangita sila og paagi aron mabayran ang danyos sa pagkamatay sa biktima.
Dugang usab niini nga dili motugot ang amahan sa biktima nga makig-settle sa nahitabo gumikan kay grabe ang ilang nasinati.
