Dakong puruhan nga maigo sa nagsingabot nga bagyo ang amihanang bahin sa Visayas.
Kini ang gitino ni Retired PAGASA Visayas Director Engr. Oscar Tabada sa eksklusibong pakighinabi niini sa Bombo Radyo Cebu News Team karong adlawng Miyerkules, Disyembre 3, 2025.
Sumala pa ni Engr. Tabada nga ang ginabantayan karon nga Low Pressure Area sa sidlakang Pilipinas kay misulod sa Philippine Area of Responsibility karong adlawa diin taas na nag posibilidad nga mamugna kini isip Tropical Depression.
Apan sa kasamtangang datus nga nahipos karong sa DOST-PAGASA sumala sa ilang forecast nga ang bahin sa Eastern Samar ang unang maigo niini sa adlawng Biyernes, Disyembre 5 dayon sa bahin na sa kadagatang nagpatunga sa Masbate ug northern Cebu sa Sabado, Disyembre 6 ug magpadayon sa paglawig sa isla sa Panay sa Dominggo, Disyembre 7.
Hinungdan nga sa pagbana-bana karong adlawa, ang bahin sa amihanang Sugbo ug mga kasikbit nga mga dapit niini nga taas ang posibilidad nga maigo sa bagyo nga gikatakdang maghupot sa pangalang bagyong “WILMA.”
Gipanglantawan pud karon ni Engr. Tabada nga mamahimong sa kinakusgang istado sa bagyo kay maabot sa Tropical Storm sa gikusgon sa hangin nga 85 kph.
Gipahimangnoan sab ni Engr. Tabada ang bahin sa lungsod sa Catmon hangtod sa isla sa Bantayan nga makasinati sa kusog nga hangin tungod sa bagyo nga anaay wind speed sa 30-50 kph sugod ugmang adlawa sa Huwebes, Disyembre 4. Samtang light to moderate rains lang ang posibling muigo sa Metro hangtod sa Southern Cebu.
Pasabot pagbalik sa opisyal nga pabilin gihapon alerto ug ibatasan ang kanunyang pagpangandam ilabi na sa dili pa matapos ang tuig kay aduna pay higayon nga may bagyo pang mamugna nga muigo sa nasud.
