CEBU CITY — Nahimong malampuson ang pagbalik sa Pasigarbo sa Sugbo 2019 human sa halos 12 ka oras nga pagparada ug indigay sa mga pyesta sa kalungsuran.
Kini human nga nalangkat sa Kabkaban Festival sa Carcar City ang kampeonato sa ritual showdown ug nakadaug usab kini sa Street Dancing.
Nakuha usab sa Carcar City ang uban pang mga awards sama lang sa Best in Festival Costume ug Best in Festival Jingle.
Nakuha sa Sarok Festival sa Consolacion ang Best Decorated Audio Van ug Best in Andas usab alang sa Panagtagbo Festival sa Mandaue City.
Nagkanayon ang head organizer niini nga si Victor Cuenco nga malampuson ang pagbalik sa giilang “festival of festivals” human sa unom ka tuig bisan pa man nga usa ka buwan nga pagpangandam niini.
Gihulagway niini nga nakuha ang record sa mga misalmot diin nag-showdown ang 44 ka mga participating contingents.
Dugang pa ni Cuenco nga adunay posible nga mga changes alang sa sunod nga pagpaghigayon sa Pasigarbo sa Sugbo.
Nahuman ang maong event pasado alas-2 sa kaadlawon ug gitapos kini pinaagi sa fireworks display.
Ani-a na ang listahan sa mga nakadaug sa Pasigarbo sa Sugbo karong tuiga:
Best in Ritual Showdown:
- Carcar City — Kabkaban Festival
- Madridejos — Isda Festival
- Talisay City — Halad Inasal Festival
- Alcoy — Siloy Festival
- Consolacion — Sarok Festival
- Argao — La Torta Festival
- Naga City — Dagitab Festival
- Moalboal — Kagasangan Festival
- Sibonga — Bongga Festival
- Liloan — Rosquillos Festival
Best in Street Dancing:
- Carcar City — Kabkaban Festival
- Asturias – Lalin Festival
- Daanbantayan — Haladaya Festival
- Toledo City — Hinulawan Festival
- Consolacion — Sarok Festival
Best in Festival Costume: Kabkaban Festival — Carcar City
Best in Decorated Audio Van: Sarok Festival — Consolacion
Best in Andas: Panagtagbo Festival — Mandaue City
Best in Festival Jingle: Kabkaban Festival — Carcar City
