Gihatagan og pagtagad ni Cebu Governor Pamela “Pam” Baricuatro atol sa iyang State of the Province Address (SOPA) kagahapong adlawa ang mahinungdanong kalampusan ug panalapi sa iyang administrasyon aron mapalambo ang lalawigan sa Sugbo.
Gitumbok sa iyang pamahayag ang nagtumong sa pagpangita ug pagkolekta sa P900 milyon gikan sa mga pundo ug opisina sa Office of the President, Department of Budget and Management (DBM), Department of Transportation (DOTr), ug uban pang nasudnong ahensya.
Dugang pa, giabiabi ug gipasigarbo usab sa gobernador ang pagsaka sa gidak-on sa mga kabtangan sa probinsya, nga miabot sa P2 bilyon nga pagsaka gikan sa Calendar Year 2024 ngadto sa 2025, sumala sa opisyal nga mga pahayag gikan sa Commission on Audit (COA).
Aron mapadali pa ang mga proyekto sa kalamboan, gipahibalo usab sa Gobernador nga ang rate sa paggamit sa Development Fund misaka ngadto sa 80% sa ikaduhang semestre sa 2025.
Labaw sa tanan, gihatagan sa niya og dakong importansya ang pagbayad sa mga obligasyon sa pinansyal sa kapital human masulbad ug mabayran ang katumbas sa P63 milyon nga mga utang ug obligasyon nga nahimo gikan sa 2018 hangtod Hunyo 2025 atol sa iyang unang tuig sa katungdanan.
Gipahayag ni Gov. Baricuatro nga maski dili kini mga utang sa iyang administrasyon, kinahanglan gihapon kining tahuron ug bayran tungod kay responsibilidad kini sa lalawigan ug sa luyo sa matag utang adunay mga nagtrabaho nga mga negosyante ug mamumuo nga naghatag ug serbisyo sa probinsya.
