Kadaghanan sa mga senador, pabor nga i-review ang SALN – Sotto

Gipaambit ni Senate President Vicente Sotto III nga kadaghanan sa mga senador kay andam nga ipahibalo ang ilang Statement of Assets, Liabilities, and Net Worth o SALN.

Matod ni Sotto, nahinabi na niini ang pipila ka mga kaiban sa Senado ug kadaghanan kanila niuyon nga ipublikar ang ilang mga kabtangan ug pabot kini nga i-review ang iyang total assets.

Masaligon si Sotto nga ang lakang nga gihimo ni Ombudsman Boying Remulla kay makatabang sa pagbalik sa pagsalig sa publiko ngadto sa mga opisyal sa gobyerno.

Dugang pa niya nga dili na kinahanglan nga modangop sa notaryo ang gustong mangayo og kopya sa SALN sa mga senador ilabi na kon lehitimo ang hangyo.

Hinuon iyang giklaro nga ang kopya sa SALN dili mahimong ihatag kang bisan kinsa lang.