Mapaubsanong gipasigarbo ni Reigning Binibining Pilipinas Globe 2025 Annabelle Mae McDonnell nga talagsaong hiyas ug kaanyag sa mga babaye gikan sa Iligan City, Lanao del Norte.
Kini nunot sa iyang kadaugan sa 2025 Bb Pilipinas diin siya nadestino nga morepresentar sa Ms. Globe nga ipahigayon sa Albania sa Oktubre ning tuiga.
Matud pa ni McDonnell nga ang iyang pagkapili isip usa sa mga mananaog sa nasudnong pageant maoy pruweba nga hilabihan ka gwapa ug talento ang mga babaye gikan sa Northern Mindanao.
Ang 25-anyos nga beauty queen ni-apelar nga suportahan ang iyang journey sa ikaduhang higayon sa pagpalupad sa bandila sa Pilipinas sa international stage karong tuiga.
Gihulip ni McDonnell si 2024 Bb Pilipinas Globe Jasmin Bungay sa Pampanga kinsa nagsilbi usab nga second runner-up sa Ms Globe 2024 nga gipahigayon sa Albania.
Nasayran nga si McDonnell mao usab ang 1st runner up sa 2023 Ms Charm International gawas sa iyang top spot nga nakadaog sa local ug national pageant competitions.
