Kagahapon sa Sugbo angay ipahibalo sa bag-ong henerasyon – VM Garcia

CEBU CITY-Gipasiugda ni Cebu City Vice Mayor Raymond Garcia niadtong Miyerkules, Abril 26, 2023, ang kamahinungdanon sa mga panghitabo sama sa “Gabii Sa Kabilin” sa pagsiguro nga ang kasaysayan mapreserbar ug mahinumdoman sa mga batan-on nga henerasyon.

Matud pa ni Garcia nga ang maong kalihukan nagtugot sa mga batan-on nga wa pay ideya kon kinsa ug unsay napaambit sa mga taw luyo sa mga ngalan sa kadalanan sa dakbayan ug ingun man sa pagdiskobre sa mga bahandi sa adunahang kasaysayan sa Sugbo.

Gawas sa mga local heroes sa dakbayan pinaagi sa Gabii sa Kabilin mas mahibaw-an sa bag-ong henirasyon ang mga kanhi liderato ug kadagkuan sa simbahan sa atong dakbayan.