Nangandam ang kagamhanan sa Probinsya sa Sugbo, sa pagsaka sa mga kaso sa leptospirosis, human nga miigo ang Bagyong Tino, pipila ka semana ang nilabay og nakamugna og grabeng pagbaha sa nagkadaiyang lugar sa Sugbo.
Matud ni Cebu Province Health Consultant Elisse Nicole Catalan nga ang Kapitolyo nagporma og task force sa leptospirosis aron monitoron ang posibleng pagsaka, lakip ang pagbantay sa sakit, pagdumala sa kaso, ug pagtubag sa medikal sa mga local government unit (LGU), ospital, ug mga health partners sa probinsya.
Nakig-alayon usab ang task force sa mga pribado ug publikong ospital alang sa mga update sa pagtambal sa hemodialysis, nga gikinahanglan sa grabe nga mga kaso sa leptospirosis.
Nakig-alayon usab si Catalan sa PhilHealth aron matabangan ang mga bayranan sa mga pasyente.
Una nang gipahibalo ni Cebu Province Health Officer-in-charge nga si Mary Ann Josephine Arsenal niadtong Lunes nga 23 na ka kumpirmadong kaso sa leptospirosis ang natala sa probinsya.
Samtang pipila na usab ang natala nga kaso sa leptospirosis sa lugar sa;
Talisay City: 8 ka kaso
Consolacion: 6 ka kaso
Asturias & Liloan: 2 ka kaso
Argao, Balamban, Danao City, Medellin og Sibonga nga adunay 1 1 ka kaso
Sa pikas bahin, aduna na usab 1 ang natala nga nakabsan sa kinabuhi sa dakbayan sa Talisay tungod sa maong kaso.
