CEBU CITY- Nangandam na ang kagamhanang Dakbayan sa Sugbo uban ang kapulisan alang sa umaabot nga Sinulog 2025, hinungdan nga mibisita si Cebu City Mayor Raymond Alvin Garcia sa Command Conference sa Cebu City Police Office karung adlawa Martes, Nobyembre 19, 2024.
Gihatagan og gibug-aton ni Garcia ang panginahanglan sa pagpangandam sa kapolisan, tungod kay ang kalihukan, nga ipahigayon sa Cebu City Sports Center, gipaabot nga modani og gatusan ka mga tumatan-aw.
Mainitong nga giabi-abi sa Cebu City Police Office, pinangulohan ni PCOL ANTONIETTO YBAÑEZ CAÑETE, City Director, ang Mayor atol sa sa iyang pagbisita sa mao nga buhatan.
Ang pagbisita sa Alkalde nagpasiugda sa kamahinungdanon sa kaluwasan sa publiko, ilabi na nga ang siyudad nagsingabot na sa Pasko ug Yuletide season, ingon man ang gipaabot nga Sinulog festival.
Gihatagan og gibug-aton ni Mayor Garcia ang panginahanglan sa higpit nga pagpatuman sa mga lakang sa kaluwasan ug giawhag ang mga opisyal sa pulisya nga magpabilin nga mabinantayon aron masiguro ang kaluwasan ug kahapsay sa komunidad niining mga panahon sa kapistahan.
Dugang pa, giila ug gidayeg ni Mayor Garcia ang padayon nga paningkamot ug lakang nga gihimo sa Cebu City Police Office sa pagsumpo sa kriminalidad.
Siya nipadayag sa iyang pasalamat sa ilang dedikasyon sa pagpreserbar sa kaluwasan sa publiko ug pagmintinar sa kahapsay sulod sa dakbayan.
Kini nga pagbisita wala lamang nagpalig-on sa panagtambayayong tali sa lokal nga tigpatuman sa balaod ug mga opisyal sa siyudad apan gipalig-on usab ang pasalig sa pagsiguro sa usa ka luwas nga palibot alang sa tanan nga mga lungsuranon, ilabi na sa umaabot nga mga selebrasyon.
